حاولت أكرهك بس ما قدرت شسوي لاقلبي حبك

تذكير بمساهمة فاتح الموضوع :

المقدمه:
.....:حياتنا لازم تنتهي هنا
......بصدمه:ايييييييييييييييش بس انت...
قاطعها وهو يقول:خلااااص كل شي له قسم ونصيب ومابيننا نصيب
قالت وهي تحاول تخفي ضعفها:وش السبب وش السبب الي خلاك تتخلى عني بها السهوله
سكت ومشى وهو معطيها ظهره وزوج من الاعين تلاحقه حتى اختفى تماما
ذهب وترك خلفه بقايا انسانه محطمه
صارت تردد بنفسها((كيف كيف بعد سنه من الحب والشوق وتبادل كلمات الحب والاحترام والغزل بعد ماملكنا مع بعض ينهيها بسهوله))
سقطت على الكنبه وخرجت لؤلؤه من عينها وتسللت بهدوء لتتخذ طريقها في خدها الناعم
اغمضت عيونها بقوه فتحتها بهدوء وهي تنظر الى المكان الذي كان فيه
نزلت لؤلؤه اخرى من عينها واخرى حتى اصبح كجريان الماء
دخلت توئمها ريمان وهي تفتح الباب بدفاشتها المعتاده:ها وش صار تفاهمتوا و...وانصدمت وهي ترى توئمها بهذا الشكل المحزن
اقتربت عندها جلست بجانبها وهي تهز كتفها بقوه:ايمان ايممااااااااااان ايمان وش صار لك تفاهمتوا انت وطلول
اما ايمان ارتمت بحضن ريمان وهي تبكي بقوه
اما ريمان فكانت منصدمه من ايمان:ايمو وش فيك ايمو..وحظنتها بقووووووه
فجأه ابتعدت ايمان من حضن ريمان ووقفت وهي تنظر الى اركان الغرفه الي جمعتها مع حبيبها طلال تتأملها جيدا وقف ناظريها
الى زجاجة العطر اول هدية من طلال
امسكته وهي تنظر اليه بألم فجأه تحولت نظراتها الى نظرات اخرى انها نظرات حقد وغضب وهوت بزجاجة العطر الى الارض وتسلل قطع منه يمين وشمال الغرفه
وامتلئت اركان الغرفه بريحة العطر الفواحه
جلست ايمان على ركبتيها وهي تمسك بقطع من الزجاج المنثور وتبتسم وتقول:ريمان العطر حلو.؟
اما ريمان الي كانت تحت تاثير الصدمه من تصرفات اختها الاقرب الى الجنون
ريمان:ايمااااااااااااااان وش فيك وش قال لك طلال
ايمان بكبرياء مجروح وهي تتذكر طلال والي سواه قبل دقائق معها:طلال مين طلال انا ما اذكر انسان بحياتي اسمه طلال طلال اكره هذا الاسم..وصارت تصرخ:اكره هذا الاسم اكره هذا الاسم اكرههههههه..وصارت ترمي اي شي قدامها
اما ريمان راحت عندها ومسكتها بقوه:ايماااااااااااان وش صار حددتوا متى الزواج
ابتسمت ايمان وهي تتخيل ان تمشي مع طلال وهي بفستانها الابيض المزين بالؤلؤ كما وعدها طلال مع باقة من ورد الجوري وهي ممسكه بيده وتمشي معه بفخر وثقه بين الناس وهم يبتسمون ويسمون على هذه الملاك وزوجها ثم تقف على المنصه وهم ينثرون عليها الورد من كل اتجاه
قطع تفكيرها الحالم صوت اختها وهي تلمس جبهتها بيدها:ايمان فيك شي
تسقط ايمان على حضن ريمان وهي قافدة الوعي
ريمان بصراخ:ايماااااااااااااااااااااااااااااااااااان
البارت الاول_الجزأ الاول_
ابو شهد:يا ام شهد فين البنات
ام شهد وهي تعطي القهوه لابو شهد:فين يعني نايمات امس الليل سهروا وماناموا الا على اذان الفجر
ابو شهد بابتسامه:الله يصلحهم ويهديهم
نتعرف عليهم:
ابو شهد:حنون وطيب مرره الله مارزقه بولد عنده 8 بنات حنون معهم ويحبهم مره ومدلعهم على الاخر
ام شهد:حنونه وطيبه تحب بناتها وزوجها بس صارمه شوي وقويه امها بريطانيه
شهد:دلعها شوشو متزوجه عمرها 27 سنه حنونه مرره وطيبه وعاقله شعرها اسود لخصرها مخصل باحمر وعينها سوداء واسعه
فجر:دلعها جوجو متزوجه عمرها 25 سنه مرجوجه شوي وعندها خوف بس دايم تخفيه شعرها بني الى كتوفها وعينها بنيه ناعسه
جودي:دلعها دودي مملكه عمرها 23 سنه هاديه وناعمه جمالها طفولي شعرها اسود الى بداية فخذها مخصل باشقر وعينها عسليه ناعسه
لميس:دلعها موس بثالث جامعه عمرها 21 سنه مرجوجه مره وعنيده راسها يابس شعرها بني الى خصرها مخصل باشقر وعينها بنيه واسعه
ريناد:دلعها رنو باولى جامعه عمرها 19 سنه شخصيتها قويه وتاخذ حقها دايم شعرها اسود ناعم وكثيف الى ظهرها وعينها سوداء ناعسه
ايمان:دلعها ايمو بثالث ثانوي عمرها 18 سنه توئم ريمان هاديه وذكيه وشخصيتها قويه شعرها اشقر الى نهاية خصرها وعينها زرقاء واسعه واحلى وحده من خواتها وهي بطلة قصتنا وسبق حكينا قصتها مع طلال يوم تخلى عنها بعد سنه من ملكتهم
ريمان:دلعها ريمو بثالث ثانوي عمرها 18 سنه مرجوجه مره وملسونه شعرها اشقر قاصته مدرج الى نص ظهرها وعينها خضراء ناعسه
ليال:دلعها لولي باولى ثانوي عمرها 16 سنه دلوعة الكل وماحد يرفض لها طلب شعرها اسود قاصته الى تحت اذنها وعينها سوداء واسعه
.................................................. .................................................. .......................
الساعه 2 الظهر
ابو شهد قام من مكانه:انا رايح اقومهم
ام شهد:الله يعينك على قومتهم
ابو شهد بضحكه:الله يخليهم لي قرة عيني
طلع فوق
وفتح غرفة جودي وليال ومالقى احد استغرب راح قفل الباب وراح غرفة لميس وريناد ومالقى احد زادت حيرته حيره
راح غرفة ايمان وريمان ومالقى احد استغرب وبقوه التفت لغرفة من الغرف وقال:لايكونون هنا(غرفة لجلساتهم)
دخل الغرف وابتسم يوم شاف:......
ابتسم يوم شافهم كلهم حاضنين بعض ونايمين بهدوء وقال بينه وبين نفسه((الله لايحرمني منكم))
راح عندهم وقومهم وحده وحده:جودي ليال ريناد ريمان ايمان لميس يلا الساعه 2 الظهر الحين
قاموا كلهم بسرعه لان كلهم نومهم خفيف ماعاد فجر الي نومها ثقيل اما شهد شوي
ابتسم ابوهم وقام:يلا انتظركم تحت...ونزل
قاموا كلهم بتكاسل وكل ثنتين راحوا حمام غرفتهم وحده تدخل والثانيه تنتظر او تروح حمام غيره
اخذو كلهم شور بارد ومنعش
جودي لبست بنطلون جنز ازرق وتي شرت عنابي ولميس لبست بنطلون جنز ازرق وتي شرت رصاصي وريناد لبست بنطلون جنز ابيض وتي شرت ابيض برسومات ملونه وايمان لبست بنطلون جنز اسود وتي شرت فوشي عليه كلام بالانجليزي بالاسود وريمان نفس لبس ايمان بس بدال الفوشي احمر وبعدين ليال بنطلون جنز ازرق وتي شرت سماوي
ونزلوا تحت عند الصاله
بالصاله
باسوا راس امهم وابوهم وهم يقولون:صباح الخير
ام شهد وابو شهد:صباح النور
جلسوا كلهم وهم نعسانين
ابو شهد:ما شبعتوا نووم
لميس وهي تتثاوب:تونا
جودي:الله يصلحك يبى تو بدري
ام شهد:بدري شوفي الساعه كم
ليال:طيب2الظهر
ريناد وهي تحط راسها بكتف ريمان:ابي اناااااااااااااام
ريمان تبعد راس ريناد من كتفها:اااااااااي كتفي كسرتيه
ايمان بانزعاج:خلاااص يكفي مناقره على هالصبح
لميس وهي تتعدل بجلستها وبحماس:صح جودي بقى3اشهر على زواجك
جودي وخدودها متورده من الخجل:اي بقى 3 شهور
ليال تضرب جودي بكوعها:اخس بعد3 شهور راح تروحين لفارس احلامك
اما جودي ماتت خجل وقامت بسرعه رايحه للمطبخ مع تعليقات الكل وضحكهم
جودي بالمطبخ ووجهها احمر وحاطه يدها على قلبها:يالله كلها 3 شهور واعيش مع سعود يالله وش هالفررحه..وابتسمت ابتسامه واسعه
لميس متخصره وبابتسامه:اي بقى 3 شهور يابعدي
التفتت جودي لها وشهقت وبخجل:انت من متى هنا
لميس:من رحت انت انا جيت معاك
جودي وخدودها حمممراء:دادي(هذه الكلمه جودي دايم تنطقها عفويا اذا احد احرجها او حاطها بموقف محرج)
لميس:هههههههههههههههههه
طلعت جودي من المطبخ وهي ميته من الاحراج
عند طـــــــلال او طلول على قولة ريمان
كان جالس على لابتوبه وبجنبه اخته كوثر
كوثر:طلال
طلال التفت لها:نعم
كوثر بحماس:طلال متى بتتزوج ابي اصير عمه..وبقهر.. وسيف معند مايبي يتزوج وانت الله اعلم متى بتتزوج
طلال رجع عيونه للابتوب:ماراح اتزوج
كوثر بقهر:كله من ذيك الي لعبت بعقلك ايمانوه بس ازين شي سويته يوم طلقتها اكرههها ك..
قطع كلامها كف من طلال الي قال بعصبيه:ان سمعتك تتكلمين على ايمان مره ثانيه ياويلك فهمت
قامت كوثر من مكانها بعدين قالت بقهر ودموعها بعينها وهي ماسكه خدها بيدها:اي طقني طق اختك علشان مرتك وياليتها مرتك الي كانت مرتك ولا يكون مازلت الا الان تحب ذيك الملعونه جعلها الماحي بنت..
وماحست الا بطلال يطيح ضرب عليها وهي تصارخ وتترجاه يفكها
دخلت اختها رند وراحت مسكت طلال من يده:طلااااااال خلاص يكفي بتموتها شوف كيف صارت تنزف دم
طلال بعصبيه وهو يقوم عنها ويتنفس بسرعه:انا حذرتك ماتتكلمين عليها وعاندتيني تستاهلين الي جاك..وطلع
اما كوثر ضلت مكانها تبكي كانوا شفايفها متورمه وينزل منها دم وفي كم كدمه بيدها ورجلها
رند بعصبيه:كله هذا من لسانك الي بوديك بستين داهيه
كوثر بعصبيه وهي تشاهق:خـ ـلا ص رنـ ـد ماني نا ـقـ ـصـ ـه
هزت رند راسها باسف لحال اختها الي لسانها طويل وماتحترم احد
عند بيت ابو شهد
في غرفة ايمان وريمان
كانت ايمان عند الشرفه مستنده عليها وريمان جالسه بالكرسي الهزاز خلفها
ريمان بتوتر وهي تفرك اصابعها:ايمان
ايمان:هلا
ريمان بتردد وهي تناظر يدها:تحبينه
ايمان تفاجأت وسكتت:........
ريمان:ايمان تحبينه تحبين طلال
التفتت ايمان لريمان وناظرتها نظرات مافهمتها ريمان كانت نظرات الم حزن ضيق انكسار قسوه
ايمان:ريماااااااان انا ماصدقت انساااه لا تذكريني فيه
ريمان بسرعه:براحتك
طق طق طق طق
ريمان وايمان بنفس الوقت:ادخل
دخلت ريناد وقالت:ايمو ريمو بتروحون معنا السوق بنجهز لعرس دودي
ريمان:ايه انا بروح وانت ايمان
ايمان بابتسامه تخفي ورائها كثير من الالم:لا بعدين بروح لوحدي
دخلت ليال بدون احم ولا دستور وجلست عند ايمان:الا تكفين والله ماتحلى الطلعه بدونك
الكل:ههههههههههههههه
ايمان بابتسامه حانيه:خلاص ولا يهمك رايحه
ريمان:طيب الاخوات الثانيات
ريناد:مين قصدتج(ريناد درست بالكويت سنتين فلهجتها متاثره شوي)
ريمان:الست لميس والست جودي
ريناد:جودي اكيد هو حنا مانجهز لعرسها لميس اممم مدري بس اكيد توافق
ليال:ليش مانكلم فجر وشهد يجون معنا السوق
دخلت لميس بجملتها هذه:لا انا كلمتهم شهد تقول انها طالعه لبيت اهل زوجها وفجر تقول ان بنتها شيماء ام لسان شبر ونص تعبانه
ايمان:الحين بدل هل الهذره الزايده استئذنتوا من ابوي
ريناد وهي تحك راسها وببلاها:لا
دخلت جودي:لا انا علمته و وافق
الكل:كلللللللللللللللللللللللللللللويش الف مبروك ياعروس وكللللللللللويش
جودي بخجل:خلااص عاد
لميس تجي بجنب جودي وتحط ذراعها بكتفها:اختنا الكبيره والله وبتتزوج
تجي ريناد وتروح من الجنب الثاني وتسوي نفس حركة لميس:‏اووخص والله حركات جودي بتتزوج
جودي بعدت ايدهم من كتوفها وقالت بعصبيه:دادي..(سبق وحكينا وش معناها)وطلعت برا الغرفه وهي معصبه تاركتهم في موجة من الضحك
ريمان:ياحبيلها جودي
ليال بحزن:بس والله احس اني بافقدها
الكل بحزن:اي والله
ايمان:اقول لا تقلبونها عزا تأخرنا يلا خلونا نمشي
وقاموا كلهم ولبسوا عباياتهم وطلعوا برا السوق
بالسوق
كانوا مع بعض بكل مكان يعلقون على هذا الفستان ويشترون هذاك
جودي:قول بنات بلا هالفرفره ليش مانفصل لنا فساتين احسن
لميس:لا انا بشتري جاهز
ليال:بنات شوفوا هذا المحل فيه فساتين حلوه
ايمان:يلا خلونا نشوف...ودخلوا المحل
ريناد:لميس تعالي وش رايتج بهذا الفستان
لميس:خياااااااااااال
كان فستان احمر فيه كرستاله كبيره عند منتصف الصدر وماسك الي الخصر بعدين واسع شوي من الخصر عليه كرستالات صغيره وكان مرره فخم
اشترته لميس وقررت تشتري طقم الماس معه
طلعوا من المحل وراحوا للكوفي شوب
بالكوفي شوب
ريناد:بنات انا رايح اجيب لي نسكافيه مين يبي
الكل:لا شكرا
راحت ريناد وبالطريق صادفتها مجموعة شباب:
الاول:عطينا وجه ياحلوو
الثاني:اموووت انا على العيون السوود الناعسه
ريناد:احترم نفسك ياقليل الادب ويلا فارقوا ويههي
الثالث:لالا ماتفقنا على كذا..وعطاها رقمه وغمز لها..بيننا الو بالليل
اما ريناد اخذت الورقه وشقتها نصين ورمتها بوجه الولد:تحسبني من بنات الليل الي تحاكيهم..ومشت بس هم وقفوا قدامها
ريناد متخصره:والنهايه
الثاني:روقي ياحلوه
......:مضيعين شي في البنت
الشاب الاول:وانت شدخلك
الشاب مسك الشاب الاول من بلوزته:والله اصير زوج المره الي تغازلونها ياقليل الادب
الشاب الثاني ياحراج:ااسف ماكنا داريين..وانحاشوا
اما ريناد تنحت بالولد كان طويل ومعضل وعينه عسليه ناعسه ولون بشرته برونزي وشعره بني ناعم
عند البنات
ليال:ما كأن ريناد تأخرت
لميس قامت:الا وانا رايحه الحين اشوفها وين هي فيه
عند الشاب وريناد
الشاب:انت هنا لحالك
ريناد باحراج:لا خواتي معاي
الشاب:طيب لا عاد تمشين لحالك علشان مايعترضونك اولاد الحرام
ريناد:طيب انزين اممم بصراحه ودي اشكرك على الي سويته يا... الا شنو اسمك
الشاب بسرعه:نواف
ريناد:مشكور وماقصرت
نواف:العفو يا...
ريناد بخجل:ريناد
نواف بعفويه:حلو مثل صاحبته
اما ريناد سكتت من الخجل
نواف تدارك نفسه:اسف ماكنت اقصد
ريناد:لا عادي
نواف:انت كويتيه
ريناد:لا انا ماني كويتيه انا سعوديه
نواف:طيب ورا لهجتك كذا
ريناد بابتتسامه:لا انا درست بالكويت سنتين
نواف:اهاا
ريناد:يلا مع...
قطع كلامها صوت اختها لميس:رييييييييييييناد
ريناد التفتت لاختها لميس وشهقت لانها عرفت انها بتفهمها غلط:لمييييييييييييس
لميس بعصبيه:اي لميس ياقليلة الادب ياخاينه..ومسكتها من يدها وسحبتها:تعالي فضحتينا الله يفضحك ياحيوانه
ريناد والدموع بعينها:لا تظلميني لميس تكفين اسمعيني
لميس تركت يدها بقرف وقالت بحده:اوص ولا كلمه ولك عين تتكلمين..وهزت راسها باسف..يا حسافتي فيك والله ماعرف ابوي يربيك فلت لك الحبل
ريناد:لميس لا تظلميني اسمعي او..
قاطعتها لميس ودموع بعينها من خيانة اختها الي من لحمها ودمها:ولا كللللللللللمه لا اقطع لسانك امشي يالله قدامي وبعدين كل شي واضح مو داعي تشرحين شي امشيييييييييييي
مشت ريناد قدام لميس بانكسار وحزن
اما عند نواف
انصدم وعرف ان اختها فهمتها غلط ودعى ان الامور ماتتعقد وقال بنفسه(الله يعينك ياريناد)
عند البنات
ايمان:وش فيكم تأخرتوا
لميس وهي تناظر(ريناد الي كانت عينها على الارض)بحده:مافي شي
ليال وهي قايمه:انزين يلا خلونا نطلع
ريمان:يلا..وطلعوا كلهم برا السوق
في بيت ابو شهد
اول مادخلوا لميس مسكت ذراع ريناد وسحبتها بقوه لين غرفتهم ورمتها داخل الغرفه
وماحست ريناد الا بكف قوي من لميس
لميس بصراخ وعصبيه:شوفي ياقليلة الادب ياتقولين مين ذاك الشاب الي متواعده معاه ولا والله لاعلم ابوي وامي الحين
ريناد بترجي ودموعها تنزل:لمييييس لا تقولين لا لامي وابوي ابفهمتج السالفه انت ظلمتيني
لميس وهي تجلس على الكرسي وبغضب:يلا قولي اسمعك
ريناد:يوم انا رحت اجيب النسكافيه جت لي ميموعة شباب...وكملت لها القصه
لميس والدموع بعينها:انت صادقه ولا تكذبين
ريناد وهي تبكي:انا عمري جذبت عليتج
حضنتها لميس وهي تبكي:اسسسسسسسسسفه اااااااااااااااسفه رنو والله الشيطان لعب بعقلي سامحيني ظنيت فيك ظن السوء سامحييييييني..وراحت في دوامة بكي
وراحوا الاثنين يحضنون بعض وقالبينها مناحه
دخلت ليال:ياهووووووووووووووه الاخوات قالبينها مناحه
دخلت بعدها فجر:السلااااااااااام عليكم
الكل:هيييييييييييئ فجووره..وراحوا كلهم يسلمون عليها
فجر:يلا خلونا نروح الصاله عند امي وابوي
واجوا الصاله كلهم ماعاد ليال الي وصتها لميس تقول للخدم يجيبون القهوه والحلى بالصاله
بالصاله
شيماء(بنت فجر الوحيده عمرها 6 سنوات لسانها طوييييل وقويه شعرها اسود سواد الليل وعينها بنيه غاامقه):اقول جدوو
ابو شهد:هلا بقلب جدو
شيماء:الحين خالتي جودي متى بتتزوج
جودي هنا حمررت وسكتت
ام شهد بضحكه:ليييييييش
شيماء بحماس:علشان اخذ لاتوبه(لابتوبه)والعب به على كيييييفي مافي احد بيزن فوق راسي قومي وقومي
جودي:على قلبك جالسه
شيماء تقلدها باستهزاء:على قلبك جالسه
الكل:ههههههههههههههههههه
هنا دخل مشاري:عسى هالضحكه دووم يارب(مشاري اخوهم من الرضاعه يدوخ يجنن شعره اسود نااعم مسويه سبايكي وعينه سوداء واسعه واسمر بس سماره يذبح يحب خواته بجنون صديق طلال الروح بالروح بس تضايق منه من سالفة ايمان)
فجر:مشااااااااااري هلا هلا تفضل تو مانور البيت
مشاري:منور باصحابه
دخل مشاري وسلم على امه وابوه وقال:عندي لكم مفاجأه
ام شهد بحب:وشو ياقلب امك
مشاري بصوت عالي وهو ماسك دلة القهوه يصب لنفسه:تفضلي
دخلت شهد وهي حامله راشد الي عمره سنه وماسكه رنيم الي عمرها 4 سنوات:السلاااااااام عليكم
الكل باصوات متفرقه:شهووووووده الحمد الله على السلامه
(شهد كانت مسافره لدبي 3 شهور علشان شغل زوجها)
راحوا كلهم سلموا عليها
وجلسو يسولفون ويتكلمون لان من زمان عن جلساتهم الي يكون الكل مجتمع فيها
.........
عند بيت ابو طلال
بغرفة طلال
كان جالس على لابتوبه من طلق ايمان وهو مايفارقه كان جالس يشوف صوره مع ايمان كانت تقريبا 200 صوره
هنا كانوا جالسين مع بعض وهنا يوم ماسك يدها وهنا وهنا
بين كل هالصور شده ملف كان مكتوب عليه(الى حبيبي طلال)تذكر هذا المستند عطته له ايمان بيوم ملكتهم ونساه والحين تذكره
فتحه لقى صوره كانت فيها ايمان جالسه على كرسي وهي تفكر كانت عن جد صوره رائعه ومغريه كانت فيها ايمان قمه بالجمال بفستانها البحري الواصل الى فوق ركبتها وشعرها الاشقر المتناثر وعينها الزرقاء الواسعه الكحيله كان منظرها يجبرك على تأمل ملامحها الدقيقه التي يعجز الرسام عن رسمها وهذا غير انثوتها الطاغيه على الكل كانت فيها متسنده على الكرسي ومكتوب بجنب الصوره
ليتني شمس تداعب جبينك..
اشرق على خدك وحضني يدفيك ..
يا ليتني قمر يضوي سنينك..
امسي على نورك ونوري يمسيك..
ياليتني ما بين رمشك وعينك..
اشوف لك دربك وانا تايه فيك..
_منقوووووووووووووول للامانه_
غمض طلال عيونه بالم وهو يتذكر احلى ايامه مع ايمااااااااااان حبيبته الي كل خليه بجسمه تنطق باسمها
بس مهما كان الخياااااااااااااااااااانه صعبه وصعبه كثييييييييييييييييييييييييييييييييييير
قطع تفكيره صوت دق الباب
طلال وهو يضغط مفتاح الكيبورد(الي مكتوب عليه اشارة ويندز _ مع حرفd):ادخل
دخلت اخته رند وبابتسامتها المعهوده:ممكن اخذ من وقتك شي
طلال بابتسامه حانيه:اي ممكن تفضلي
دخلت رند وجلست بطرف سريره وقالت وهي تناظر الارض:طلال انت تعرف اني صديقة ايمان
طلال بجمود عكس الي بداخله من مشاعر ملتهبه:اي مو جديد
دمعت عيون رند:اجل ممكن تقول لي ليش طلقتها
رفع طلال راسه وتسند على كرسيه وتنهد كأنه يتذكر شي بعدين بسرعه التفت لرند وبابتسامه الم:رند لا تفتحين هذا الموضوع ترا مر عليه سنه كامله
رند وهي تمسك يده وبترجي:تكفين طلال اذا عندك لي معزه قول لي
طلال بقلة حيله:شي خاص
رند بترجي:طلال قولي وش هو
طلال وهو يرمي القلم الي كان ماسكه على الطاوله وبصراخ وعصبيه:شي خاص وبس خلاص ارتحت الحين
اما رند توسعت عيونها بصدمه اول مره اخوها يصرخ عليها قامت وقالت بهدوء:براحتك..ويوم وقفت عند الباب التفتت له لمح طلال دمعه نزلت على خدها وقالت:اعرف انك تحبها حتى اذا ماقلت شي ترا عيونك تنطق بحبك لها وهناك سبب خلاك تتخلى عنها بها السهوله وانا ماراح ارتاح الا لاعرف السبب بس صدقني ياطلال ايمان مافي مثلها اثنين يوم طلقتها انت كنت الخاسر..نزلت دموعها.. اي انت الخاسرالوحيد وفوق كذا كسرت بخاطر البنت حرام عليك تعتقد ان كسر خاطر البنت سهل ابغى اعرف مادام انك تحبها ليش سويت هذا كله ليييييييييييش..وبعدين بصراخ وهي ترمي قطعه من الاثاث على الارض ودموعها تنزل من عيونها وقالت بهستريه:تدري وش صار لها بسببك تدري ان جاها انهيار عصبي حاد ومرض السكر بنت عمرها 18 سنه توها زهرة شبابها خليها تتهنى بعمرها انت السبب انت السبب اي انت السبب انت الي سببت لها الصدمه ولا مين كان يعتقد انك راح تطلقها بعد هالحب واجهت الكل علشانها واولهم اختي كوثر وقفت قدامها وضربتها كمان يوم سبتها انت اناني ونذل مين يعتقد ان نهاية هذا الحب طلاق ميييييييييييين..
وطلعت وقفلت الباب باقوى ماعندها وصوت شهقاتها تتعالى بين كل ثانيه
طــعـنـه
طــعـنـه
طــعـنـه
طــعـنـه
كل كلمه قالتها رند كانت طعنه على قلب طلال
وصار يردد بنفسه(صح كلامها اي انا احبها احبها طيب ليش سويت كذا لييييييش صح انا الوحيد الي خسرت انا كله علشان صور مدري هي صحيحه او يمكن صور كذابه اي صح كلامها انا اناني ونذل)
رمى جواله بقوه على الارض وهو يمسك بمفاتيحه ويطلع بررا البيييت وراح لـ....
في بيت ابو شهد
فجر وهي تصارخ على شيماء:شيمو يلا بسرعه
شيماء وهي تلبس عبائتها الكتف:طيب ماما بس شوي
فجر بطفش:يلا بابا برا
شيماء وهي تاخذ شنطتها بدلع وتلبس كعبها:يلا هذاني انا جايه
اما مشاري تسدح من الضحك:ههههههههه الله ياخذ بليسك شيمو
شيماء وهي ترمش بعيونها بدلع وبسرعه:شايف شي غلط فيني
ريمان:هو انت كلك غلط
شيماء وهي ترمي عليها كرتون المناديل:مالك دخل
جت ريمان بتقوم بس فجر جلستها وقال بترجي:الله يعافيك ريمو امسحيها بوجهي هالمره عمار له ساعه برا ملطوش بالشارع
ريمان:اووف يلا علشانك هالمره بس
اما شيماء باست ام شهد وابو شهد على خدهم بالسريع:يلا مع السلامه
الكل:مع السلامه
وطلعت هي وفجر
شوي دق جرس الباب وطلع مشاري ومعه راشد ولد شهد الصغير بس ماحد انتبه لراشد الا مشاري طبعا
هنا شهد قالت:رنيم فين راشد
رنيم:ماادلي(ماادري)
شهد بخوف لانها تعرفه حركي مرره:ياويلي فين راح
ايمان:لا تخافين انا الحين بروح ادوره اكيد طلع الحوش هو مو مشاري راح وفتح الباب اكيد طلع وراه...وقامت ايمان وطلعت الحوش
يوم طلعت الحوش دارت عيونها الزرقاء الواسعه الكحيله تدور على راشد ابتسمت يوم لقته بس تلاشت ابتسامتها بسرعه وحل مكانها خوف ورجفه
ودموعها متحجره بعيونها يوم شافت مين كان حامل رااشد...
تـــــوقــعاتــــكـــــــم
_ _ _ مين كان حامل راشد
_ _ _ نواف هل سيكون له دور في حياة ريناد
ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ*ـ* ـ*ـ*ـ*ـ*

شكرا لمروركم

تسلم ايدك اختى

شطرا وحيدة

مرسي حبيبتي للمرور يسلموا