الـبـارت الـثـانـي عـ12ـشـر
في بيت ابو راكان
كانوا كلهم جالسين بالصاله باستثناء رهف الي بغرفتها وابو راكان الي صار دوم برا البيت
شوي سمعو صوت ابو راكان يدخل:تفضلي تفضلي يا ست الكل تفضلي انوار نورت البيت
دخلت انوار وهي خجلانه
الكل انصدم من شافوا الحرمه الي جابها ابو راكان
ابو راكان بابتسامه:اعرفكم على زوجتي الجديده انوار
حالة صمت وصدمه مرت على الكل
ام راكان بصدمه:لاحول لولا قوة الا بالله تحملتك سنين واخرتها تتزوج علي
ابو راكان ولاهمه:انا ماسويت شي حراااام
رزان تبكي:يبى ليش جبت هالسوسه عندنا حراااااام عليييييييييييك
ابو راكان بحنان:رزون حبيبتي هذه مرتي الثانيه انوار ابيها تصير صديقتكم
رزان وهي تبكي:لاء يبى لاء ..وطلعت فوق تبكي
راكان بصدمه:انت ماتستحي على وجهك بعد هالعمر جاي تتزوج لاء ووحده كبر بناتك
ابو راكان بعصبيه:استح على وجهك ياولد انا ابوك
رعد ببرود وهو يخرج الدخان من فمه:انت رجال غريب مسويلي فيها الرجال الشهم واخرتها تتزوج وحده بكبر بناتك
ابو راكان:بس انت ويااه مالكم خص انوار زوجتي وراح تسكن عندي ان قلتم اييه وان قلتم لاء والي مايبي يقضب الباب
قامت ام راكان وبشموخ:راكان قوم الله يرضى عليك ودني لبيت اهلي
قام راكان بس ابو راكان قال:اذا طلعت البيت فانت طالق بالثلاث
الكل شهق وانصدم بس ام راكان قالت:طلقني عادي ماعاد يفرق معي شي25سنه وانا متحملتك عشرة عمر بس انت ماصنتها تحملت قسوتك وضربك وجبروتك وقسوتك وظلمك بس اكبر ظلم يوم اهلي زوجوني لواحد مثلك مايخاف الله ولا يصلي ولا يصوم ولا يتصدق ولا يعرف الله مسلم على الورق وربيت رزان على كذا بس انا الي ربيت رعد ورهف وراكان وشوف كيف تربيتهم
انوار بدلع وخبث:يؤ ضرتي وش فيك هجمت على حبيبي حمودي(احمد)يالبى عيونه
ابو راكان يضمها قدام عياله وبحب عجوز(هع):ياحبيبتي تعلمي يا احلام تعلمي منها نوري حبيبتي
ام راكان ماهزها هذا الموقف شعره عكس عيالها الي عطو ابوهم وزوجته ظهرهم:ماهميتني لاانت ولا نورك طلقني
ابو راكان بدون اهتمام:انت طالـ..
قطعتهم صرخه مدويه:بـــــــــــــــــــــــــس
الكل التفت لرهف الي واقفه بالدرج وبعينها نظرات غريبه لابو راكان:تبي تكسرها وتذلها صح..؟(قصدها ام راكان)تبي تكسرها مثل ماكسرتني تبي تهينها وتكسر شوكتها انت من ايش مصنوع من حديد ولا من فولاذ عمري ماحبيتك كنت اكرهك والحين زاد كرهي لك كلكم يالرجال كذا غدارين وحقيرين ونذلين تبون الي ببالكم يصير لو كل الدنيا ضدكم قمة التمتع عندكم لما تشوفون المرأه منهانه ومنذله..والتفتت لانوار الي كانت منصدمه منها..:وانت روحي واقضبي الباب والله يستر عليك اكبر غلطه سويتيها يوم تزوجت رجاااااااااال مايهم العمر روحي اجلسي ببيت اهلك معززه مكرمه واهم شي لازم تعرفين كيف جيت لها الدنيا عن طريق حلال ولا عن طريق حراام روحي وتطلقي من هالمخلوق وانتبهي تتزوجين بعده الرجال غدار ولا تستغربين اذا غدرك الرجال بس استغربي انه كان بيوم وافي..والتفتت لام راكان:وانت بعد اذا تبين تتطلقين تطلقي حلالك..وعطتهم ظهرها وطلعت فوق لغرفتها
الكل كان في حالة من الصدمه كلام رهف كبير كبييييييييييييييير كثير
ابو راكان سحب انوار وطلعوا فوق اما ام راكان طلعت برا البيت وبكذا صارت مطلقه ومحرمه على ابو راكان
عند غرفة رزان
كانت جالسه تبكي هي ماتبكي لان ابوها تزوج على امها او رحمه فيها هي تبكي على كرامتها الي انهدرت الحين كل صديقاتها بيقولون هذه ابوها تزوج على امها>تفكير شيطاني اعوذ بالله
اخذت جوالها من الكومدينه واتصلت على رقم معين
جاها الرد:هلا والله بقلبي
رزان انفجرت بكا:حبيبي نايف الحق علي
نايف بخوف مصطنع:وش فيك حبيبتي
رزان تشاهق:ابوي تزوج على امي
كمت نايف ضحكته وقال بتأثر:لا اله الا الله هونيها حبيبتي الحين روحي عند امك وهوني عليها
رزان تبكي:انا ماهمني امي كيفها ان شاء الله تطق من البكي اصلا انا ما احبها بس انا افكر وش بيقولون عني صديقاتي بيقولون هذه امها تزوج عليها ابوها
انصدم نايف من وقاحة تفكيرها بس سايرها:وانت الصادقه تروح امك بستين داهيه وش رايك الحين حبيبتي نطلع مطعم تروحين عن نفسك شوي
سكتت رزان شوي وكأنها تفكر:امم اوكي حبي دقايق وانا عندك نتقابل بمطعم الـ......
نايف:تامرين امر يازوجتي العزيزه
سكتت رزان وهي مستحيه
نايف بحب مصطنع:باي حبي
قفل منها ورمى الجوال على السرير وقال بكل قهر:والله لاخذ بثأرك يارهف وراح انتقم منك لرزان و ابوها بس المشكله اني ما اطيق رزان ابد هي ودلعها الماصخ بس يالله لازم علشان اكمل انتقامي اسايرها اول
....
اما عند رزان فتحت الدولاب واخذت فستان توب اورانجي الى فوق الركبه ساده حرير عليه لمعه بيضاء وبوت ابيض قصير وحطت قلوس اورانجي وبلاشر خوخيه وشدو اورانجي وكحلت عيونها من داخل واخذت عبائتها وجوالها وطلعت بدون ماحد يسألها كل واحد بهمه..
....
في بيت ابو شهد
بغرفة لميس وريناد
ريناد:تصدقين موس ماني مستوعبه اني راح اتزوج
لميس بقلة اهتمام:لا استوعبي حبي
ريناد:الحين تصير اخت عريس الغفله نوافوه صديقتج
لميس طيرت عيونها:شهالقلة الحيا نوافوه بعد الله يعينه عليك
ريناد بغرور:الا قولي شحظه اخذ رنو
لميس:ايييه واضح
ريناد باهتمام:اقول موس وصفيلي شكله
طيرت لميس عيونها:وش يدريني انا شكله يابنت وش قصدك اني اقزقز بها الشباب
ريناد بملل:لا ياخبله قصدي يعني ندوش صديقتج ماقد يعني مره وصفتلج شكله ويهه
لميس تتذكر:امم تقول انه اسمر عيونه سود واسعه له سكسوكه تدنن
جاء نواف في بال ريناد..؟:معقول يكون هو لاء مستحيل بس نفسه الي شفته يمكن مو هو يعني بالسعوديه كلها مافي واحداسمه نواف اسمر وعيونه سود واسعه الا هو..؟
لميس:ريناااااااااااااااااااااااااااااد
انتبهت ريناد:هلا
لميس بخبث:لا شكله من جبنا شكل عريس الغفله وانت رحت بسابع داهيه
استحت ريناد:بس موس
لميس بقهر:والله صادقه ليال شكلي بعنس ببيت اهلي
ريناد مسكت ضحكتها:لييييييييش
لميس بانفعال:الحين انت وريمان انخطبتوا وانتم اصغر مني وانا الي عمري صار 21 سنه ماحد ناظر فيني
ضحكت ريناد:ههههههههه والله انك شي عااااااااااادي يمكن نصيبك يكون احسن منا الاثنين
لميس:طيب طيب المهم متى بنروح الجامعه للمعلوميه ولا وحده منا داومت الى الحين حطينا عذر وفاة الوالده ومر شهرين وحنا ماجبنا للجامعه خبرها ريمان وايمان وليال من بكره راح يدامون بالثانوي وحنا الى متى
ريناد تفكر:خلاص بكرا نروح وياهم
لميس:خلاص بكرا بكرا
............
في بيت ابو فارس
كان فهد جالس وهو يرسل للميس مسج
دخلت امه:السلام عليكم
رفع فهد راسه بهدوء:وعليكم السلام..ونزل عيونه للجوال
ام فارس تضايقت من امر ولدها من موت مريم تنهدت وقالت بحزن:خلاص يايمى وش فيك كذا متضايق
حط فهد جواله على الكومدينه بعد ما ارسل الرساله:متضاااااااااايق يمى احس نفسي مخنووق
ام فارس بحب:وش فيك ياقلب امك
فهد بضيق:مافي شي..وقام..يالله انا طالع
ام فارس بحزن:بحفظ الرحمن
............
في المطعم
دخلت المطعم وريحة عطرها الفواحه منتشره لقته جالس على وحده من الكراسي ولابس تي شرت عنابي عليه كتابات سوداء وبنطلون جنز اسود
ابتسمت بحب واعجااب تخيلت ان هذا زوجها مو نادر الشين كان عاشت احلى الايام
حست بيد على كتفها التفتت له اما هو ابتسم:مطوله واقفه حبي
ردت له الابتسامه:لا جاايه
وراحوا للطاوله المخصصه لهم
جلست رزان وفكت لثمتها
انصدم نايف ماتوقع انها بها الجمال ابد قعد دقايق وهو مفهي فيها
استحت رزان من نظراته:حبيبي مو ناوي تعزمني
انتبه نايف لنفسه ولام نفسه انه صار يطالع رزان ابغض مخلوقه عنده بعد ابوها اصطنع ابتسامه:يوم شفتك ضاعت علومي
نزلت رزان راسها بخجل
نايف وهو يحاول يجرها للكلام:اقول حبيبتي انتي عندك اخوان وخوات
استغربت رزان من سؤاله:ليش تسأل
ارتبك نايف بس قدر يتدارك الوضع:كيف مو لازم اعرف كل شي عن حبيبتي وزوجتي
ابتسمت رزان وقالت:اول شي انا بعدين اخوي راكان هذا انسان قروي ما اطيقه مسويلي فيها الشريف بعدين رعد هذا انسان لو يقتلون عائلته قدامه ماقال شي بااااااااارد ثلج وبسسسسسس اي صح نسيت عندنا وحده لقيطه اسمها رهف هذه الانسانه حقيره ونذله وتجيب الهم هي ووجهها انا وابوي مانطيقها ابد ياشينها انسانه مجنونه
خلاص النار صارت تشتعل في جوفه حس بألم في قلبه قال بكل حده:بس رزان
انقهرت رزان:وشو
نايف لام تهوره:لاء يعني قصدي وش دخلنا حنا فيها كيفها خلينا نستانس بوقتنا الحين
ابتسمت رزان له اما هو قال:معليش نسيت اخذتنا السوالف وش تبين
حطت رزان يدها في فمها وكأنها تفكر:ابيي عصير برتقال وسلطة فواكه
ابتسم نايف لها:من عنوني كم رزان انا عندي
..........
في بيت ابو نواف
كانت ام نواف بالمشغل ونواف وندى يسولفون
ندى:اقول نوافوه والله طفشاانه
نواف اخذ جواله وصار يشوف مسجاته:وش اسوي لك يعني ارقص لك مثلا
فطست ندى ضحك:ههههههههههههههه والله عاد اذا تعرف ترقص حياك ارقص واذا ماتعرف ومسويلي فيها فأجلس مكانك ابرك لك لاأترقد بسببك هههههههههههههههههههه
ناظرها نواف بنص عين ورجع يشوف مسجاته
ندى تعدل جلستها وبخبث:اقول نويف لو قلت لك وديني لبيت صديقتي لميس اخت ريناد..وشدتت على كلمة ريناد..بتوافق ولا لاء
حس بقشعريره يوم ذكرت اسمها وده يقوم يصفق ندى مايبي احد يذكر اسمها غيره يغار عليها من نسمة الهواء قال وهو يقوم:يالله انتظرك ربع ساعه بس
ضحكت ندى بشر:هع هع هع ماينفع معك الا كذا
نواف:ندى لاتخليني اهون
ندى وهي تطلع الدرج:ماتقدر
ابتسم نواف وهو يناظر لبسه:خليني انا بعد اغير لبسي واخذ لي شور..وطلع هو بعد
.........
في سويسرا
كانوا جالسين يتجولون في شوارع عاصمة سويسرا(بيرن)
جودي بحب:سوسو والله تعبت خلينا نرجع
سعود بحب اكبر:من عنوني واذا تبيني اشيلك انا حاضر
استحت جودي:سوسو مو وقت المزح
سعود وسع عيونه:يعني قصدك انا امزح طيب بتشوفين.وراح مسكها وشالها قدام الناس
جودي هنا لون وجهها اختفى وباحراج:سعوووووووود نزلني
ابتسم سعود وهو يناظر الناس الي مندهشين منهم:اول اعتذري وقولي ماعاد اتحدى سعود
جودي بهمس:خلاص اسفه نزلني
ابتسم سعود ونزلها اما هي ماعرفت كيف تخبي وجهها من الناس كل الي سوته انها نزلت راسها وغطت نصه بالبالطوا
وراحوا للفندق الي مستأجرينه
في الفندق
من دخلت جودي رمت نفسها على الكنبه وهي تبكي<<حساسه
دخل سعود وراها وانصدم يوم شافها تبكي راح عندها وجلس بجنبها:حياتي دودي في احد مضايقك او مزعلك<<امداك تنسى
جودي تمسح دموعها:لا مافي شي
سعود بحنان:اجل وش فيك تبكين
قامت جودي:مافي شي مافي شي..ودخلت الغرفه تغير لبسها
دخلت الغرفه وجلست على الكرسي وهي حاطه يدها بوجهها وتبكي من الاحرااج
حست بخطوات سعود تتجه لها
سعود وهو يحضنها وبخوف:وش فيك حبيبتي
جودي تمسح دموعها وهي تشاهق:ليـ ش شلتني يوم كنت نتمشى
سعود ماقدر يمسك نفسه وانفجر من الضحك
جودي انقهرت وصارت تبكي زياده
سعود بعد محاولات قدر يمسك نفسه وراح باسها بين عيونها وهو ماسك ضحكته:دودي حبيبتي ليش انت كذا حساسه ودمعتك بطرف رمشك
جودي بزعل:انا كذا بسرعه اصيح
ابتسم سعود:خلاص اسف وحقك علي وش تبين اكثر من كذا
جودي:.........
حضنها سعود وهمس باذنها:ها رضيت ولا لاء
جودي تفكر:ابرضى بس بشرط
سعود:وشو
جودي تنااظر اظافرها:اكلم اهلي
ابتسم سعود:غالي والطلب رخيص كم عندنا جودي حنا وحده وما احلاها..وعطاها جواله..:اتصلي عليهم واشبعي منهم
جودي بحركه عفويه تعلقت بذراعه:تسلم يا احلى سوسو بها الدنيا
اما سعود مندهش منها اول مره تسوي حركه جريئه من يوم زواجهم نزلت يدها باحراج وعيونها امتلت دموع<<ماقلت لكم حساسه
رفع سعود راسها بيده:وش فيك تصيحين
مسحت جودي دموعها:مدري انا دوم ابكي اذا احد بس قال لي لاء قمت ابكي حتى خواتي يسموني شلال
كبح سعود ابتسامته وقال:خليك قويه ودمعتك غاليه لاتنزلينها علشان اي شخص
هزت جودي راسها بالايجاب
...........
في بيت ابو نواف
نواف
(لابس تي شرت بدون اكمام ابيض عليه كتابات بالاسود والاحمر وبنطلون جنز ابيض عليه كتابات بالاحمر في الساق اليسرى وجزمه سبورت سوداء ورافع شعره بناظرته الشمسيه)
نواف بملل:ندووش يالله ندى وهي تنزل من الدرج:طيب طيب جايه
وهذا كان لبسها
ندى صفرت يوم شافته كاشخخ:اووووووووه الرجال ولهان لاتخاف يالحبيب ماراح تشوفها توكم ماملكتم
نواف بغرور:انا دومني كاشخ
ندى بسخريه:اييييييه واضح
نواف بجديه:الا ندى انت اخذت موعد قبل
ندى باستغراب:اي اكييد طبعا ليش تسأل
نواف:علشان مو من الذوق نجيهم قبل ماناخذ موعد
انفجرت ندى ضحك:اووخس يا ابو الذوق اقول اقول ترا بنتأخر خلينا نمشي..ومشت
اما هو ابتسم واخذ مفاتيحه وجواله ولحقها
.........
عند بيت ابو شهد
كانوا كلهم جالسين يسولفون بعد ماتصلوا بجودي
ليال تمسح دموعها:والله اشتقت لها
لميس:اي والله..بعدين شهقت:هييييييييييييييييييييييئ نسيت
الكل خاف يوم شهقت كذا:وشوووووووووووووو
لميس قامت:الحين بتجي ندووش وانا ماجهزت
ريمان بعصبيه:والحين تذكرين ياحسره
ايمان:خلاااص مو وقت المهاوشه لميس وريناد انتم الوحيدين الي تعرفون ندى روحوا البسوا وتكشخو لها حنا راح نسوي القهوه والحلى ونرتب واذا سألت عنا قولولها مشغولات نايمات الي هو
الكل:حااضر
وراحت ليال ترتب المجلس اما ايمان وريمان بالمطبخ
في غرفة الملابس
ريناد ترفع فستانها الاسود:موس وش رايتج البس هذا
لميس تفكر:لاء لاء البسي التي شرت والبنطلون الي لبستيه يوم رحنا بيت خالتي ام راشد اخر مره
ريناد تتذكر:اهاا ايه حلو
وبعد الحوسه والتجهيزات
ريناد هذا كان لبسها
ولميس هذا كان لبسها
طلعوا مع بعض من غرفة الملابس
ليال يوم شافتهم صفرت:روووووووووووووعه..وبكلمتها هذه دق الجرس
لميس:رنو انا راح اروح افتح الباب وانت خليك بالمجلس
ريناد وهي تروح المجلس:اوكي
راحت لميس وفتحت الباب:اهلييييييييين ندووووش
ندى وهي تضمها:اهلييين عيوني
لميس انحرجت يوم شافت نواف:اهليين نواف تفضل روح المجلس والحين انادي لك ابوي
ابتسم نواف:حاااضر..ودخل
لميس تضرب ندى بخفه:فينك يالقاطعه من زمان عنك
ندى باستنكار:الحين انا صرت القاطعه هااه
ضحكت لميس:هههههههههههههههه ادخلي بس يالمربوشه
اما عند نواف
دخل وشاف مجلسين واحد بجنب الحمامات والثاني شوي بعدي احتار ماعرف وش يدخل دخل المجلس الاول فتح الباب بكل هدوء تفاجأ لقى حبيبته لقى دنياه لقى ملاك قدامه لقى ريناد وهي جالسه بكل نعومه ومسنده راسها على الكنبه(الصوفه)
حس بشعور يجتاح قلبه وان رجله ماعاد تشيله وده يروح عندها ويحضنها ويبوسها بكل مكان ويصرخ باعلى صوته:احـبـك يانظر عيني
انتبه على نفسه يوم شافها تصرخ بخوف ويدها الصغيره تغطي فمها لتمنع شهقاتها ودموعها الي تتخذ طريقها بخدها
نواف راح عندها ومسكها من يدها الي ترتجف:لا تخافين حبي انا نوااااااااااااااااااااااااااااف
صــدمـــه
دققت بملامحه الا هو نفس الرجال الي شافته بالسوق وهو الي دافع عنها معقول يكون هو نفسه خطيبها
قطع نواف تفكيرها وكأنه عارف وش تفكر فيه:ايييه انا خطيبك انا الي حبيتك وعشقتك انا الي اموت بترابك انا نوااااااااااف انا حبيبك
حست كأن احد صب عليها مويا باارده ماعرفت وش تقول الا انها غطت نفسها بالشرشف الي بجنبها وعطته ظهرها:مجلس الرجال بجنب الحمامات
هز راسه وراح للمجلس الرجال
اما ريناد جلست على الكنبه تفكر بالي صار
اما عند نواف
كان جالس وهو يفكر(معقوله كرهتني بعد ماعرفت اني انا نواف الي التقت فييه بالسوق لاء ما اتوقع امم ليش لاء يمكن اييه يالله وش هالورطه)
قطع تفكيره صوت دخول ابو شهد وهو يرحب:هلا هلا والله
قام نواف:اهليييييييين عمي..وباس راسه بكل احترام
ابو شهد:تفضل تفضل اجلس
جلس نواف وهو يصطنع ابتسامه
عند البنات
ندى بتساؤل:موس فين البنات
لميس بغباء:ميين
ندى باستغراب:مين يعني خواتك ايمان وريمان وليال
لميس:ايمان نايمه ريمان طالعه بالسوق ليال تذاكر
ندى:اهاا..والتفتت لريناد..:وانت ريناد ووش فيك سرحانه
ريناد سرحانه:..........
التفتت ندى للميس وابتسمت اما لميس اشرت لها بمعنى:خليها
وصاروا الاثنين يناظرون ريناد
ندى:ياعرب ياناس انا ضيفه جايه لصديقتي ومرت اخوي بس الظاهر ان مرت اخوي صارت ولهانه باخوي
صحت ريناد من سرحانها وقالت بكل بلاهه:هااه
لميس وندى انفجروا ضحك على شكل ريناد اما ريناد كانت خجلانه لانها عرفت انهم يكلمونها وهي سرحانه
ندى بعد ماهدت من موجت الضحك غمزت لريناد:يالي ماخذ عقلك يتهنى فيه
ريناد صار وجهها احمر من الخجل:ماااحد
ضحكت لميس:علييينا..والتفتت لندى:الا ندوش تدرين ان ريناااااااااد..والتفتت لها وهي تغمز لها..سألتني مره وصف نواف عريس الغفله
ريناد بنرفزه:لميييييييييييييييييييييييس
كملت لميس:ويوم وصفت لها شكله سرحت والابتسامه على وجهها عايشه احلامها وو
وماقدرت تكمل كلامها لانها انفجرت ضحك هي وندى
اما ريناد عصبت وطلعت برا الغرفه
لميس بعد ماهدت:اوووووووووه والله بطني توجعني من الضحك
ندى تمسح دموعها الي نزلت من كثر الضحك:ااه الله يقطع ابلسيك يا لميس
لميس بتساؤل:تتوقعين زعلت
ندة بقلة اهتمام:لا ما اتوقع رنو ماتزعل بسرعه وان زعلت راح ترضى
قامت لميس:هذه ريناد الغاليه ابراضيها شوي وبجي
ندى تلعب بجوالها:خذي راحتك
بغرفة ريناد ولميس
كانت جالسه تفكر بالي صار معها
(وش هالصدفه هذه معقوله يكون نواف هو نفسه الي قابلته بالسوق معقوله يكرهني ويحسبني اني من البنات الصايعات الي يدورون بالشوارع ويرقمون عيال الله يستر يارب بس انا احبه حبيته من صار الموقف وهو ماخذ عقلي وتفكيري)
دخلت لميس:السلام عليكم
التفتت ريناد لها:وعليكم السلام
جلست لميس بجنبها:زعلت
ابتسمت ريناد:لاء مازعلت لييش
لميس:حسيتك زعلانه
ريناد:لا لاتفكرين مازعلت ولاشي بس افكر بموضوع
لميس بلقافه:اييش
ريناد ابتسمت:شي خاص
حز لميس بخاطرها:لا ماتوقعتك كذا يارنو تذكرين يوم قلتي لي كل واحد لازم يفضفض الي بقلبه وقلت كل شي في قلبي انا وياك خوات وصديقات مانخبي عن بعض شي كل شي يصير لي اقول لك وكل شي يصير لك تقولين لي
تنهدت ريناد وقالت:طيب بس مو الحين ندى بالمجلس لحالها مايصلح نتركها كذا لازم احد معاها
ابتسمت لميس:اووكي بس اهم شي انك تقولين لي
ابتسمت ريناد لها وراحوا مع بعض لندى
.........
في غرفة ايمان وريمان
ريمان طلعت للسوبر ماركت تشتري حاجات ناقصه اما ايمان جالسه على لابتوبها وفاتحه المسن تكلم رند
رند(عاشيه حياتها با أحلى الهبل):اقول ايموو تعالي بيتنا بكرا
ايمان(جرحتني جرحـ(ن) كبير يالحبيب):لا والله مقدر تعرفين بكرا بداوم
رند:اهاا الله يوفقك
ايمان:يلا رند مشغوله بااي
رند:بااي
قفلت ايمان المسن والابتوب بكبره واخذت جوالها وجلست على السرير وكتبت
قلت لي احبـك بس للاسـف ماكنت قد الكـلمه
كثـر ماحبـيـتـك كـثر ماكـرهـتك اليـوم
خلينا نفترق مانصلح لبعض قلتها لي جمله جمله
كرهك وصدك لي كوم ويوم قلت لي خاينه كوم
أكــرهـــك ياحـبـيـبـي
(من كتاباتي قصة انسانه)
غمضت عيونها وهي تحس انها مخنوقه اخذت المصحف الي بجنبها وصارت تقرأ ايات من القران الكريم
..........
في بيت فارس
دخل فارس البيت وهو يقول:نجودة قلبي سمورة حياتي فينكم
نطت سمر عنده وحضنته:اهليييييييين بابيتوو
حضنها فارس بحنان:اهلللين بعيون بابا
حس بعيون تراقبهم لف بالجهه اليمين لقى دارين واقفه بباب المطبخ وبيدها المكنسه وتناظره بنظرات تايهه نظرات الييمه
حس بنظراتها اسهم على قلبه بس صد عنها لخاطر نجود
شوي جت نجود:هلا هلا بحياتي
لف لجهتها ونسى كل شي يوم شاف حبيبته وهي لابسه فستان احمر مشجر باسود وحاطه قلوس احمر وشدو اسود
فارس بذوبان:هلا بحياتي هلا بعمري
التفتت نجود لسمر:سوسو حبيبتي اطلعي فوق لدارك
سمر:من عيوني..وطلعت
نجود بحب مزيف:كيف الشغل معاك حبيبي
فارس وهو يبوسها:مثل مايحبه قلبك ياقلبي
ابتسمت نجود وبادلها فارس الابتسامه
.........
اما عند دارين
دخلت غرفتها الي مشتركه معاها الخادمه وجلست على سريرها
دخلت الشغاله والي هي اهطف وحده معها بالبيت:دارين في بابا كبير بالصاله في ماما يقول انت مافي يطلع
ابتسمت دارين بحزن:عاارفه
الشغاله وهي شفقانه عليها:دارين انت في جوعان اجيب لك اكل في فوقه غطا(يعني اجيب لك اكل واغطيه)
دارين بفرح:اييه مرره جوعانه
الشغاله:تيب
.........
في بيت ابو راكان
كانت رهف جالسه بغرفتها
غمضت عيونها بالم وقالت وهي تتنهد:اكرهكم
حست باحد يدخل الباب التفتت لناحية الباب شافت انوار داخله
ناظرتها رهف بنظرات غريبه اما انوار قالت باسخريه:عرفت قصتك من ابوك العجوز بس تصدقين انا خايفه منك لاحملت من هالعجوز تقومين تقتلين ولدي تعرفين مثلك ممكن يسوي اي شي لانك مجنونه
صرخت رهف بكل الم:انا مو مجنونه انا مو مجنونه
دخل ابو راكان بعصبيه من هالصراخ:خير خير ان شاء الله
انوار بتمثيل وهي تحاول انها تنزل دموع:هيييييئ حمودي شوف بنتك جايه احاول اهديها وتبي تقتلني هيييييئ
اما ابو راكان حس ان شياطن الدنيا ركبت براسها التفت لرهف الي كانت جالسه وتناظرهم بكل برود
جاء عندها وهو مايشوف شي من العصبيه ووراه انوار تشجعه
جاء عند رهف ومسكها من شعرها وصفقها كف باقوى ماعندها بعدين رماها على الارض بقوه وصار يرفسها ببطنها
وبعد ماخلص التفت لانوار الي جالسه تبتسم بخبث وقال وهو يلهث:ها نوري حبيبتي كمان ولا يكفي
انوار وهي قرفانه منه:لا خلاص حبي خلينا نطلع نتمشى
ابو راكان بحب:من عيوني
وطلع بعد ما ضرب رهف ببطنها
............
في شقة مشاري
كان جالس وبيده اليمين صورة لصفا واليد اليسار صورة لنوره
نزلت دمعه منه مسحها وهو ناكر على نفسه انه يبكي علشان ثنتين مايستاهلون الحب
حس باحد يدق الباب حط الصور تحت سريره وهو مستتغرب له سنه كامله ماحد يزور شقته الا ابو شهد بس ابو شهد الحين في شغله
قام وفتح الباب وانصدم يوم شاف نوره ومعها بنت حاملتها عمرها 4 شهور
مشاري بصدمه:انت
نوره بانكسار:اييه انا
مشاري بقسوه:اطلعي انقلعي برا يااخاينه
نوره تبكي:مشاري اسمـ
قاطعها مشاري وهو يدفها بكل قسوه:ولا كلمه اطلعي برا
نوره ببكا:ماودك تشوف عبير بنتك
صـدمـه
بـنـتـه
مشاري بصدمه:اذا جايه علشان تتبليني ببنت فإطلعي لارتكب فيك جريمه
نوره بين دموعها وهي تحط عبير قدامه:مشاري انا كنت حامل قبل ماتطلقني بشهر وولدت بنت وسميتها عبير
مشاري بصدمه:وليش ماقلتي لي
نوره بدموع الندم:لاني كنت احسب انك راح تخليني على ذمتك اذا علمتك اني حاامل
مشاري ناظر بنته تشبه له كثيير حس بشعور الابوه يجتاح لقلبه من دون شعور منه حملها وباسها بين عيونها
اما نوره ابتسمت بين دموعها
مشاري رفع عيونه لنوره وبقسوه:تزوجت..؟
نوره بانكسار:اييه بس تطلقت قبل شهر
مشاري بسخريه:اكييييد وش يبي بوحده مثلك
سكتت نوره وبعيونها نظرة ندم
مشاري وهو يعطيها عبير:الحين روحي انقلعي وقبل ماتطلعين عطيني عنوان البيت الي ساكنه فييه لاني كل شوي راح اتطمن على عبير وارسل لها فلوووس
نوره ودموعها بعيونها وهي تناظر بنتها الي بحضنها:ماعندي بيت انا اعيش بالشوارع
مشاري:والمطلوب
نوره وبعينها نظرة رجا:تكفى خذ عبير نومها عندك بس الليل خلها تنام عندك انا بنام هنا عند باب الشقه بس عبير تبرد تكفى
سكت مشاري واخذ عبير ولف على الجهه الثانيه روحي نامي على الغرفه الي بجنب الحمام فيه سرير كبير يكفي لك انت وعبير وبكرا بجيب لعبير سرير
نوره بفرح:مشكور مشاري ماراح انسى لك هالمعروف طول حياتي
مشاري بسخريه:اقول بس بلا كلام فاضي تبيني اصدقك يعني ادخلي بس
دخلت نوره وهي تضم عبير لصدرها
............
في بيت ابو شهد
ريمان:لميييس وش فيها ليال 24 بغرفتها
لميس بحيره:مدري بس احس ان في شي وراها
ريمان بخوف:مثل وشو
قامت لميس:انا رايحه لها
دقت لميس الباب على ليال
ليال:ادخل
دخلت لميس:السلام عليكم
ليال:وعليكم السلام
جلست لميس بجنبها وبحنان فقدته ليال من زمان:وش فيك جالسه بغرفتك 24 ساعه
...........
عند ريمان كانت جالسه بالصاله تنتظر لميس تطلع
ريمان بملل:اووف تحقيق جنائي هو
شوي حست ان الباب انفتح
طلعت لميس من الغرفه مصدومه
ريمان خافت من شكلها راحت عندها وسألت بخوف:موس ليال فيها شي
التفتت لميس لريمان وبهمس:ليال بتضييع منا
ريمان شهقت:ايييييييش انت وش جالسه تخربطين
لميس ماردت بكلمه راحت عند مكتب ابوها ودقت الباب
ابو شهد:تفضل
دخلت لميس وهي تحس ان كل خليه بجسمها ميته
ابو شهد بحنان:تفضلي
دخلت لميس وجلس على الكرسي الي بجنبه
ابو شهد:ها امري
لميس تنهدت:يبى ابي اكلمك بموضوع
ابو شهد باستغراب:وشو
لميس:انت لازم تتزوج
.........................
انتهى البارت
1_ليال..؟ ما السر الي تخفيه
2_موقف ابو شهد من كلمة لميس(لازم تتزوج)
3_انوار بدأت اول اسلوب التعذيب لبطلتنا رهف مانهايه..؟
4_نايف ذكر انه سينتقم لبطلتنا رهف من هو وكيف عرفها..؟
5_مشاري نوره عبير..........؟
6_نواف وريناد معرفة ريناد لهذا الشاب هل سيولد شاكل
.
السبت 2 أكتوبر 2010 - 8:21
