النفاق الاجتماعي

السلام عليكم ورحمه الله وبركاته

للاسف الشديد المجتمع يمكن يكون موش هنظلمه لو قلنا باكمله عايش شئ اسمه النفاق الاجتماعي وبنقول عليه حاله يعني بمنثلها بحاله من الشيزوفرينا وتتلخص تلك الحاله ان الانسان مننا بقي عايش بوجهين وجه امام ناس معينه ووجه اخر امام ناس اخري ونتيجه لكده هو نفسه شعر انه موش لاقي نفسه ولا عارف يكون باي وجه حتي في عالم النت بنلاقي تجسيد حقيقي لصورتين عكس بعض شخص بيدعي اي شئ علي النت وهو في واقعه انسان اخر من عالم اخر .

سؤال مهم ليه بنتكلم في الموضوع ده النهارده ؟ وهل الموضوع ده مهم ؟

مما لا شك فيه انك لو سالت اي حد في الشارع او حتي صديق ليه وسالته هل تعاني من النفاق الاجتماعي صعب جدا يقولك لا الا من رحم ربي وهتلاقيه فعلا بيعاني جدا من جواه من المشكله ديه وموش عارف يتعامل معاها ازاي

وبتخذ اشكال عده اما زميل ليك في العمل او صديق او صديق او حتي الازواج ويمكن يصل الامر للابناء والاهل احيانا

وبيظهر سؤال جواك ليه الناس بتعمل كده ؟ وتلاقي حد بيرد عليك ياعم كل واحد بيهمه مصلحته محدش بيهتم بحد

وطبعا انتم متعودين مني في شرحي للتنميه البشريه علي ادي كده ههههههههه دايما باخدك للواقع موش باكلمك من برج عالي هتلاقيني بقول اه انت او انتي عندكم حق الدنيا مكن نقول ثلاث تربعها عشان فيه ربع كويس برضه صراعه الاساسي هو المصلحه وممكن يعمل اي شئ تتخيله او لا تتخيله عشان الوصول لتلك المصلحه

طيب وبعدين نعتزل المجتمع يعني ؟

لا ابدا لا تعتزل المجتمع ولا حاجه المشكله الاكبر اللي بنعاني منها جميعا في تعاملنا مع المجتمع شئ اسمه عدم الثبات النفسي اي كلمه ممكن تهزنا وتكسر حلمنا ونتصدم وللاسف عندنا كميه اشخاص منافقين في حياتنا بعد ما بنحبهم ونتعلق بيهم بنكتشف انهم عباره عن هوا لا طعم ولا رائحه ولا صوره لهم ونسال العيب فينا ولا فيهم لو كنت متزن نفسيا مستحيل يكون العيب فيك اما لو كنت مهزوز فالعيب الوحيد عندك انك مهزوز

لازم تتعلم فن الثبات النفسي مع الاخرين هيحل شئ كبير جدا من مشكله النفاق الاجتماعي لديك

ازاي تعمل ده ؟