تصميم فلاشى الجموح

لعلمك و الزمان اللي رماني لك يعلمني
أعز النفس و بصبر الشموخ بدمي أرويها

حسبتك من جروح الوقت و الأيام ترفعني
و تحط روحي على كفيك في عز و تداريها

حسبتك راس أكيد الراس للأمجاد ياخذني
و لا فكرت مثلك للوطا عيونه يمشيها

تبي ذلي ! اتهبا لا أنت و لا هالوقت يذللني
عيونك للوطا و عيني على القمرة أضريها

صحيح الشوك لو راق لرصيف المر يدفعني
و تفاصيل الحنين هناك في بالي أناديها

و لكنْ توصل لنشوة غرورك ما تقدرني
تحسبنِّي أرد بشواك عمري لك و أهدِّيها

غريبة كنت أحسبنَّك مع الأيَّام تعرفني
مع أنَّك تدري إنِّي لي بغيت أعنيها أعميها

صحيح إحساسي ضيعني و طيبي حيل بهدلني
و معك لا ينفع الإحساس و لا الطييبة و معانيها

و إذا في يوم أشواقي تبي عندك توصلني
و من كفوف الوله تاخذ يديني لك توديها

يمين الله و لا لك غير يمين الله تحلفني
إذا نفسي توصلني لمثلك و الله لفنيها