اللهم أني صائم

[ندعوك للتسجيل في المنتدى أو التعريف بنفسك لمعاينة هذه الصورة]



المعروف انو برمضان بتزيد العصبيه عند معظم الناس والبعض الاخر الله بيهديه وبحاول يتملك أعصابو خاصه

بأول ايام الشهر المبارك, وكتير منا كمان بيصير متل ما بيقولوا بدوا يتخانق مع الدبانه اذا مرت من حدو, وكتير

منا كمان بصير يتفشش أو يتخلّق بالاشخاص خاصه المقربين الو وممكن يوصل الامر انو بتلفظ الفاظ غير مستحبه

أو يهدد انو يفسد صيامو وفعلا في ناس بيحكوا هالكلمه وبيفطروا واللي أدهى من هيك في بعض الرجال بيفقدوا

أعصابهن وممكن توصل بين الزوج والزوجه للطلاق والعياذ بالله, ومواقف كتيره من هالشكل بتصادف كتير عائلات

ضمن الاسره الوحده وغير الاشخاص الموظفين وأصحاب المهن والخروج للاسواق للتزود بالمواد الغذائيه وعداك عن

هيك سلوكيات بعض قائدي المركبات من مختلف الفئات ومن الجنسين الشاطر اللي بدو يطاحش واللي بيسكّر عالتاني

واللي بدو يتسابق ليوصل قبل الافطار بلحظات وهون بتبدى المسبّات وبيبدى الغلط و......وفهمكن كفايه.


هيك مواقف وتصرفات بتكرر كل يوم وكل ساعه وكل لحظه طيلة ايام الشهر الفضيل اما بتصدر من بعضنا أو

انا منتعرضلها من البعض الاخر, لكن وبفضل كبير من الله سبحانه وتعالى كتير منّا بكون عندن سعة صدر

وبيتحلّوا بالصبر وبيتمالكوا أعصابن حتى ما يشتد الخلاف أو تخرج الامور عن السيطره منحاول نتملّك أعصابنا

حتى آخر لحظه ولحين سماع الاذان.


انا هون بهالموضوع حبيت انو الكل يفوت ويشارك ويذكرلنا موقف تعرضلوا شخصيا اثناء صيامو ويحكي بكل

صراحه شو السبب اللي خللاه يعصّب من غيرو أو انو صدر منو كلمة أو تصرف استقذ شخص أو مجموعه أو

العكس يكون هوّي المظلوم وغيرو أساء الو أو استفذوا.



وبختم الموضوع بتمنياتي للكل انو يتمالكو أعصابن كل وقت واذا تضايقنا من أي كلمه أو موقف نذكر الله ونسارع

لقول ( اللهم اني صائم/ه ) وياريت نسارع للاستغفار ونتوضى ونصلي ركعتين لله تعالى لحتى يزول الغضب عنا.

ونكون رحبين الصدر ونطوّل بالنا أد ما منقدر.


بتأمل من الاخوه والاخوات الاعضاء ما يبخلوا علينا ويحكولنا كل يوم بيوموا ويستمروا معنا طيلة ايام هالشهر المبارك

لنقدر نتحاشى هيك مواقف ونشوف وين الغلط لنروّض نفسنا أكتر لنتحمل أي ضغوطات ومضايقات من دون أي ردة فعل

سلبيه ونتعامل بحكمه وتعقّل مع كل موقف حسب نوعو لناخد ثواب وأجر أكبر عند ربنا وأفضل كلمه منقولها (اللهم اني صائم /ه)


خليكن معنا طول هالشهر الفضيل ولا تحرمونا مشاركاتكن.

وبتمنى من زمن تثبيت الموضوع طيلة ايام هالشهر المبارك أعاده الله عليكم وعلينا بالصحه والعافيه


اللهم انّا نسألك الثبات والصلاح آمين اللهم آمين


وكل عام ومديرنا وجميع الاعضاء والامّه الاسلاميه بألف خير.



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


أختي نور عيني بشكرك كتير موضوع هام بكل معنى للكلمة


الناس أنواع منهم


من يتقبل الصوم برحابة صدر ولايؤثر عليه الصيام بل العكس يجعله أكثر إيماناااااا


ومنهم من يؤثر عليه الصوم بسبب تغير العادات التي كان يتبعها وتغير نظام البيت عليه

ومنهم من لايتحمل اي شيء وكله من أجل الدخان

ومنهم يكون قليل إيمان


كل هذه الأنواع نتصادف بها في حياتنا اليومية وكيف نكون معهم وخصوصااااا نحن صائمون

الحمد لله أنا من الناس التي أتحمل الصوم وذلك أني أصوم في عدة مناسبات في بقية السنة

ولكن أتحمل بعض الأمور إلا أن يكون منزلي غير مرتب أو نظيف وإذا وضعت في رأسي أنني يجب أن أعمل اليوم هذا ولم أنجزه

أكون متوترة وعصبية

وكمان في نقطة أنا من الأنواع التي تأتي على نفسها كتير وأتحمل الحمد لله وأمتص غضب الذي حولي

وفي بعض الأمور الخفيفة ممكن أكون عصبية

:لاةو: :لاةو: :لاةو:

المهم هذا الشهر والحمد لله لم أعصب للآن من أحد وان شاء الله أكمل الشهر هكذا


وهذا العام الحمد لله عندي بناتي يصوموا معي وأنا أكون المشجعة لازم وفعلاااااااااااا

كل الصوم حالة نفسية منا من يتقبلها ومنا من يرفضها

ألف شكر اختي نور عيني ولي رجعة لأغطي بقة الشهر


ولا ننحرم من مواضيعك القيمة

[ندعوك للتسجيل في المنتدى أو التعريف بنفسك لمعاينة هذه الصورة]

عزيزتي نور

اشهر الصوم من الاشهر المباركه من الله
وفرض علينا الله احترامها وتمييزها عن باقي اشهر السنه

ندم طاعاتنا بهذا الشهر
وطاعاتنا لا تكمن بقلة الاكل ابدا ولكنها
تكمن في كل تصرفاتنا اليوميه
من كلام غير مناسب في مثل هذه الايام المباركه
ومن عصبيه في وجه زملائنا
من حسدنا لاحد ما
ومن غيرتنا
من نظرات السوء ومن قلة البر بالوالدين
من علاقاتنا السئة مع اخواننا
ومن قلتلنا لانفس بعض الكلام البطال والنميمه

كثيره هي الامو التي يجب علينا ان نحافظ عليها في هذا الشهر وفي كل الاشهر
عل الله ينظر الينا بعين الرضى والرأفه

اعاده الله على الجميع بالخير والايمان