لا تكسر قلب فتاة احبتك- قصة مبكيـه‎

جميل ان تجمع بين (شخصين) حتى لو كان الثمن ان تتبعثر احاسيسك ومشاعرك....فادا لم تكن حبيبه فستكون ذكرى جميله في حياته..........!!!!

البنت قلبها زي الزجاج فرجااااااااااء لاتكسرو قلبها وتكسرو الزجاجة

السلام عليكم ورحمة الله وبركاته

ابى احكيكم قصتي اللي صارت مع حبيبتي

انا من زمان نفسي اقول قصتي لكل الناس ابغاهم مايوقعوا في الغلط اللي سويته انا

انا كنت احب وحدة تقربلي تصير بنت عمي

والله حبيتها من قلبي المهم عرفوا اهلنا بدا الموضوع

وانا قررت ابعد عنها عشان خايف من ذي المشاكل

وكلمني اخوها واخوها هذا كان صاحبي الروح بالروح

ولمن دري عن الموضوع زعل وماصار يكلمني

بس لمن اتفرقنا رحت وقلت انا خلاص تركتها

وانا اعتبرها زي اختي رغم اني لازلت احبها

بس اوهمت نفسي بانها اختي الين مامرت 3 سنوات

وانا من جد خلاص حسيتها زي اختي

كنت بشوفها كل جمعة لمن تجتمع العيلة

في يوم لمن كانت العيلة متجمعة مدري ايش اللي جاب سيرة الزواج

فقلت يلا عقبالك انتي كمان

طالعت فيني نظرة مدري هيا نظرة حزن مدري هيا ايش

المهم ماعطيت اهمية لهذا الموضوع

وبعدها اتعرفت على بنت من النت

حسيت اني حبيتها وصارت معاملتي مع بنت عمي من جد كانها اختي

وفي يوم من الايام صار اللي ماكنت ماتوقعوا

بنت عمي ماتت

تخيلوا ماتت

وانا ياما جرحتها بكلامي كانت تقولي بعد ماسبنا بعض

انت لسه تحبني ؟انا ايش بالنسبة لك؟

كنت اقلها احبك حب اخوة لااقل ولااكتر

وكنت اجرحها عشان تنساني

بعد ماجاني خبر وفاتها

كنت ابكي صح بس مو هذاك البكا القوي

وبعد وفاتها لمن صرت اروح يوم الجمعة بيت جدي

عشان اهلنا هناك

من جد افتقدتها افتقدت شيطنتها ضحكتها

رجتها افتقدت كلامها اللي كان بلسم لجروحي لمن اكون مضايق

كانت هيا تسمع هموم اولاد وبنات خالاتها وعماتها

عمرها ماقالت لاحد همومها وكانت تكتم في قلبها

انا ماكنت ادري انها زي كذه

لكن اكتشفت انو هيا لسه حبها في قلبي كنت اقول انها زي اختي

عشان في كل يوم جمعة اشوفها

لكن لمن ماتت وربي ندمت اني قتلها انا ماحبك

ندمت لاني قتلها انتي زي اختي ندمت اني ماتصل اطمن عليها كل يوم.......واشياء كثير

بس ما ينفع الندم الحين

نفسي اضمها نفسي بس لو اشوف ضحكتها

وحشتني وحشتني وحشتني وحشتني

تخيلو كانت كاتبة ليا ورقة حاطتوا في علبه وحاطتوا في درجي حق التسريحة

وانا درجي دا مافتحو دايما

المهم لمن فتحت الدرج استغربت ايش جاب دي العلبة عندي

فتحتا وشفت ورقة مكتوب فيها

الى حبيبي

كاتبتلي انا عارفة اني ماراح اعيش كثير

بس ابغاك تعرف اني احبك وعمري مانسيتك ابغاك تعرف اني عمري ماتمنيت غير لك السعادة

وحتى لمن حبيت بعدي صح زعلت في البداية لكن دعيت انو ربي يوفقكم مع بعض

بعد موتي مابغى اشوفك زعلان وحزين واذا في يوم كنت مضايق وحزين

لاتكتم في قلبك تعال وكلمني حتى لو ماكنت قدامك تشوفني

بس صدقني حكون سامعتك

احبك

تخيلو هذا اللي كتبته قد ايش انا كنت حقير وحيوان لمن سبتها

ااااه والله ياناس نفسي ترجعلي نفسي بس انطق اسمها

وهيا تقولي نعم زي زمان

بعد ماقريت الرسالة رحت بيت اهلها ودخلت غرفتها

وربي بس اشوف صورتها ابكي

واجلس اتكلم مدري ايش اقول

جيت ابى انام فوق سريرها لقيت حاطة صورتي تحت المخدة

اختها تقولي كانت دايما قبل ماتنام تقلك تصبح على خير وتبوسك وتقول احبك

حتى لمن تصحى

كانت لمن تكون متضايقة كانت تكلم صورتي

كانت تقول اللي في قلبها كابتته

تعرفو هذيك النظرة لمن قتلها عقبالك انتي تتزوجي

بس الحين عرفتها

عرفت انه نظرتها كانها بتقولي صدقني ماراح يجي هذا اليوم لاني مارح أكون موجودة

نصيحة مني لكل واحد يحب

لا يفرط في حبيبته حتى لو سبتم بعض ارجعو لبعض

لايجي اليوم اللي تندم فيه لانك سبتها ووقت ماتبى ترجعلها ماتلقيها فيه ولاتقول بعد ماسبتها

انك ماتحبها صدقني انت تحبها بس تكابر

اسمعو كلامي ليومكم هذا وانا ندمان

يااااارب رجع كل حبيب لحبيته ولاتفرقهم عن بعض

امييييييييييييييييييييين يارب العالمين

ان شااااااااااء القصه عجبتكم