صباح الورد

[ندعوك للتسجيل في المنتدى أو التعريف بنفسك لمعاينة هذه الصورة]


صباح الخير يا أهل الخير صباح الورد والعنقود
صباحا كل ما هز الشعر غصنه قضى ثارة

إلى جادة يمينك يا البني ادم جود ها مردود
من اللي أمره نجوم السما تنساب مدرا ره

ورجلا ما يوقف في حياته موقفا مشهود
يعيش يموت ما يدري عن أحواله ولا أخباره

وليا مر الفتى بأول صباه ولا قدح بارود
أجل وش خانت أيام الشباب وينعت أزهاره

يجودون الرجال وجودنا ينجاد منه جود
وحنا اللي نبطل للعطايا بكل محاره

على درب المعزة ما قصرنا حبلنا الممدود
ولا حتى نفكر لو يجور الوقت قصاره

يعلمنا الزمان ونستفيد ونبذل المجهود
وعزيزين النفوس أنفسهم صلفه ومغوارة

بلشنا ما عرفنا من هو المذموم والمنقود
وأشوف الجار ما يسد ديون اللي على جاره

وضعيفين النفوس من الليالي حيلهم مهدود
وأنا حيلي صواديف الزمان تزيد إصراره

وأنا عندي على كل الكلام اللي أقول شهود
حشى ما ني بثرثر والقلوب السود ثرثارة

أشوف النفس مثل البكرة اللي ما تحب القود
وعسفها واحدا نفسه على الأيام صباره

ولا يا سحب هلي لين أشوف الما شرات العود
تباشر بها رعايا الإبل بعد الغيض وغباره

ولا يا شمس طلي لين تجلين ألليال السود
وأشوف النور في عيون من التفكير محتاره

و الا يا قلب خلك مثل ما أحيدك حفيظ سدود
ترى الرجال لو يكشف سدوده يطيح مقداره

و الا يا عين تبكين ما دام البكا منقود
تحلي بالصبر والعزم تارة ورى تارة

ولا يا طير غرد دام حبل وصالها ممدود
هنوف لتذكرها خفوقي زادت أثاره

كن في ثقرها ريحه اليسمين والكمبود
تثنى كنها غصنا عليه السحب مطاره

تلفت كنها ريميتا ترعى بوسط حدود
مكان في فؤادي زمان ومحدا زاره

يا آية من بنات الخود من بعدك بنات الخود
هنادي ريم حصة مي عفرا غالية سارة

سراب الظامي اللي مستحيل إنه يبل كبود
محطمهم غلاك اللي تحب الرجل مشواره

تعالي لا تخليني على باب الأمل مفقود
فراقك سبب جروح الحزين وكثر أضراره

وأنا اللي حاضرا ذكري لوني ما هو بموجود
أحب الشامخات ولا أطرق ألبيبان في الغارة

أنا للمرجلة صقرا جناحينه تضم النود



[ندعوك للتسجيل في المنتدى أو التعريف بنفسك لمعاينة هذه الصورة]